2. D850 онлайн нұсқаулық
3. Тікелей көрініс арқылы фотосурет түсіру
4. Автофокус

• Фокустау режимін таңдау
• АФ аумағының режимін таңдау

Фокустау режимін таңдау

Тікелей көріністе келесі автофокус режимдері қолжетімді:

AF-S

Әр кадр бойынша бақылағыш АФ: қозғалмайтын нысандар үшін. Фокус ысырманы босату түймешігі жартылай басылған кезде құлыпталады. Сондай-ақ мониторда нысанды түрту арқылы фокустауға болады. Бұл жағдайда фокус фотосурет түсіру үшін саусағыңызды дисплейден көтергенше құлыпталады.

AF-F

Тұрақты бақылағыш АФ: қозғалатын нысандар үшін. Ысырманы босату түймешігі басылғанша фотокамера үздіксіз фокустайды. Фокус ысырманы босату түймешігі жартылай басылған кезде құлыпталады. Сондай-ақ мониторда нысанды түрту арқылы фокустауға болады. Бұл жағдайда фокус фотосурет түсіру үшін саусағыңызды дисплейден көтергенше құлыпталады.

Автофокус режимін таңдау үшін АФ режимінің түймешігін басып, қажет режим мониторда көрсетілгенше басты басқару дискін бұраңыз.

АФ аумағының режимін таңдау

Тікелей көріністе келесі АФ аумағының режимдерін таңдауға болады:

!

Бет басымдығы бар АФ: портреттер үшін пайдаланыңыз. Фотокамера портреттік нысандарды автоматты түрде анықтайды және фокустайды; таңдалған нысан қос сары жиекпен көрсетіледі (бірнеше бет анықталса, фотокамера ең жақын нысанды фокустайды; басқа нысанды таңдау үшін мульти селекторды пайдаланыңыз). Егер фотокамера нысанды анықтай алмаса (мысалы, нысан бетін фотокамерадан әрі бұрғандықтан), жиек енді көрсетілмейді. Мониторды түртсеңіз, фотокамера саусағыңызға ең жақын бетті фокустайды және саусағыңызды экраннан көтергенде фотосурет түсіреді.

5

Wide-area AF (Кең аумақты АФ): пейзаждарды және басқа портреттік емес нысандарды қолыңызға ұстаған күйі түсіру үшін пайдаланыңыз. Фокустау нүктесін кадрда еркін жылжыту үшін мульти селекторды немесе сенсорлық басқару элементтерін пайдаланыңыз, я болмаса, мульти селектордың ортасын басып фокустау нүктесін кадрдың ортасына орналастырыңыз.

6

Normal-area AF (Қалыпты аумақты АФ): кадрдағы таңдалған нүктеде фокустау. Фокустау нүктесін кадрда еркін жылжыту үшін мульти селекторды немесе сенсорлық басқару элементтерін пайдаланыңыз, я болмаса, мульти селектордың ортасын басып фокустау нүктесін кадрдың ортасына орналастырыңыз. Штативті пайдаланған жөн.

3

Нүктелі АФ: қалыпты аумақты АФ сияқты, тек кішірек нысаналарда нүктелі фокустау үшін кішірек фокустау нүктесі пайдаланылады.

&

Subject-tracking AF (Нысанды бақылағыш АФ): фокустау нүктесін нысан үстіне орналастырып, мульти селектордың ортасын басыңыз. Фокустау нүктесі таңдалған нысанды кадр арқылы қозғалған кезінде бақылайды. Бақылауды аяқтау үшін мульти селектордың ортасын қайтадан басыңыз. Я болмаса, мониторда нысанды түрту арқылы бақылауды бастауға болады; бақылауды аяқтау және фотосурет түсіру үшін саусағыңызды экраннан көтеріңіз. Бақылау әлдеқашан орындалып жатса, монитордың кез келген жерін түрткенде фотокамера ағымдағы нысанды фокустайды және саусағыңызды экраннан көтергенде фотосурет түсіріледі. Егер нысандар жылдам қозғалса, жақтаудан шығып кетсе немесе басқа нысандармен жабылып қалса, өлшем, түс немесе жарықтық өзгерістері көрінсе немесе тым кішкентай, тым үлкен, тым жарық, тым күңгірт немесе артқы фонмен түсі немесе жарықтығы ұқсас болса, фотокамера оларды бақылай алмауы мүмкін екенін ескеріңіз.

АФ аумағының режимін таңдау үшін АФ режимінің түймешігін басып, қажет режим мониторда көрсетілгенше қосымша басқару дискін бұраңыз.