2. D850 онлайн нұсқаулық
3. Кескінді түзету
4. Жарық аумақтағы және күңгірт аумақтағы кішігірім элементтерді сақтау

• Қосылған D-Lighting
• Жоғары динамикалық ауқым (HDR)

Қосылған D-Lighting

Қосылған D-Lighting жарық аумақтағы және күңгірт аумақтағы кішігірім элементтерді сақтайды, фотосуреттердің табиғи контрастын жасайды. Контрасты жоғары көріністер үшін пайдаланыңыз, мысалы, есік немесе терезе арқылы қатты жарық сырттағы көріністі немесе күншуақ кезде көлеңкелі нысандарды түсіру кезінде пайдалануға болады. Ол матрицалық өлшеммен бірге пайдаланылған кезде ең тиімді болады (0 Өлшеу).

Қосылған D-Lighting параметрін пайдалану үшін:

1. Active D-Lighting (Қосылған D-Lighting) режимін таңдаңыз.

   Фотосурет түсіру мәзірінде Active D-Lighting (Қосылған D-Lighting) параметрін белгілеп, 2 түймешігін басыңыз.

   

2. Параметрді таңдаңыз.

   Қажетті параметрді белгілеп, J түймешігін басыңыз. Егер Y Auto (Автоматты) күйі таңдалса, фотокамера суретке түсіру жағдайларына қарай Қосылған D-Lighting функциясын автоматты түрде реттейді (дегенмен, M экспозиция режимінде Y Auto (Автоматты) параметрі Q Normal (Қалыпты) мәніне тең болады).

   

Жоғары динамикалық ауқым (HDR)

Жоғары контрастты нысандармен пайдаланылатын High Dynamic Range (Жоғары динамикалық ауқым) (HDR) әр түрлі экспозицияларда түсірілген екі түсірілімді біріктіріп жарық аумақтардағы және күңгірт аумақтардағы кішігірім элементтерді сақтайды. HDR матрицалық өлшеммен бірге пайдаланғанда ең тиімді (0 Өлшеу; нүктелі немесе ортасы бойынша өлшенген өлшеу әдістерінде және микропроцессормен жабдықталмаған объективте Auto (Автоматты) экспозиция айырмашылығы шамамен 2 ЭМ мәніне тең болады). Оны фотокамераның кейбір мүмкіндіктерімен, соның ішінде NEF (RAW) жазу, жарқылмен жарықтандыру (0 Қосымша жарқыл бөліктері), брекетинг (0 Брекетинг), бірнеше экспозиция, фокусты жылжыту, баяулатылған түсіру мүмкіндіктерімен әрі A және % ысырма жылдамдықтарымен бірге пайдалану мүмкін емес.

1. HDR (high dynamic range) (HDR (Жоғары динамикалық ауқым)) параметрін таңдаңыз.

   Фотосурет түсіру мәзірінде HDR (high dynamic range) (HDR (Жоғары динамикалық ауқым)) параметрін белгілеп, 2 түймешігін басыңыз.

   

2. Режимді таңдаңыз.

   HDR mode (HDR режимі) параметрін белгілеп, 2 түймешігін басыңыз.

   

   Мыналардың біреуін белгілеп, J түймешігін басыңыз.

   • HDR фотосуреттерінің қатарын түсіру үшін 0 On (series) (Қосулы (қатар)) параметрін таңдаңыз. HDR режимінде суретке түсіру HDR mode (HDR режимі) үшін Off (Өшірулі) күйі таңдалғанша жалғасады.
   • Бір HDR фотосуретін түсіру үшін On (single photo) (Қосулы (бір фотосурет)) параметрін таңдаңыз. Бір HDR фотосуреті жасалғаннан кейін қалыпты суретке түсіру автоматты жалғасады.
   • Қосымша HDR фотосуреттерін жасамастан шығу үшін Off (Өшірулі) күйін таңдаңыз.

   

   On (series) (Қосулы (қатар)) немесе On (single photo) (Қосулы (бір фотосурет)) таңдалған болса, басқару панелінде y белгішесі көрсетіледі.

   

3. Экспозиция айырмашылығын таңдаңыз.

   Екі түсірілім арасында экспозициядағы айырмашылықты таңдау үшін Exposure differential (Экспозиция айырмашылығы) параметрін белгілеп, 2 түймешігін басыңыз.

   

   Экспозиция айырмашылығының параметрлері көрсетіледі. Параметрді белгілеп, J түймешігін басыңыз. Контрасты жоғары нысандар үшін жоғарылау мәндерді таңдаңыз, бірақ қажеттіден жоғарылау мәнді таңдаудың қажет нәтижелерді бермеуі мүмкін екенін ескеріңіз; егер Auto (Автоматты) таңдалса, фотокамера көрініске қарай экспозицияны автоматты түрде реттейді.

   

4. Тегістеу мөлшерін таңдаңыз.

   Екі кескін арасындағы жиектердің тегістеу мөлшерін таңдау үшін Smoothing (Тегістеу) параметрін белгілеп, 2 түймешігін басыңыз.

   

   Тегістеу параметрлері көрсетіледі. Параметрді белгілеп, J түймешігін басыңыз. Жоғарылау мәндер тегістеу құрамдас кескінді береді. Кейбір нысандарда біркелкі емес көлеңке көрініп тұруы мүмкін.

   

5. Фотосуретті жақтауға алыңыз, фокустаңыз және түсіріңіз.

   Ысырманы босату түймешігі толық басылғанда фотокамера екі экспозиция түсіреді. «l y» басқару панелінде және l u көріністапқышта кескіндер біріктіріліп жатқанда жыпылықтайды; жазу аяқталғанша фотосуреттер түсіру мүмкін болмайды. Суретке түсіру режимі үшін қазіргі уақытта таңдалған параметрге қарамастан, ысырманы босату түймешігі басылған сайын тек бір фотосурет түсіріледі.

   

   

   On (series) (Қосулы (қатар)) параметрі таңдалған болса, HDR мүмкіндігі HDR mode (HDR режимі) үшін Off (Өшірулі) күйі таңдалғанда ғана өшеді; On (single photo) (Қосулы (бір фотосурет)) параметрі таңдалған болса, HDR мүмкіндігі фотосурет түсірілгеннен кейін автоматты түрде өшеді. y белгішесі HDR режимінде суретке түсіру аяқталғанда дисплейден кетеді.